Paróiste an Fheirtéaraigh

Paróiste Dhún Chaoin, Paróiste Dhún Urlann,
Paróiste Mhárthain, Paróiste na Cille, Paróiste Mórdhach

Cliceáil anseo do Aifrinntí ar líne

Séipéil
Uinseann Naofa, Baile an Fheirtéaraigh (St Vincents)
Naomh Gobnait, Dún Chaoin (St Gobnait)
Séipéal na Carraige (Carraig Church)

An tAthair Eoghan Ó Cadhla 066-9156131
r-phost:  baileanfheirtearaigh@dioceseofkerry.ie
Seoladh:  Tigh na Sagart, Baile an Fheirtéaraigh, Trá Lí, Co. Chiarraí.

Buíochas

Buíochas ó chroí do gach uile dhuine a chabhraigh in aon tslí le Ceolchoirm an Fhómhair, a bhí ar siúl in Ionad an Bhlascaoid le déanaí.   Buíochas do Lorcán Ó Cinnéide agus do fhoireann Ionad an Bhlascaoid a chuir an amharclann ar fáil agus a bhí chomh cabhrach linn. Buíochas do Mhicheál de Mórdha, Fear an Tí.    Buíochas leis na daoine agus na gnóanna a chuir duaiseanna ar fáil, na  hurraitheoirí, go háirithe Liam Néill, Aodh Ó Curráin – Óstan Harding, Brian Budhlaeir, Ostán Aghadoe Heights, Seán Ó Liatháin, Óstán Bhaile an Róistigh,  agus buíochas do Maria Simmonds Gooding a thug píosa álainn ealáine don gceant, agus do gach duine a cheannaigh ticéid don gcrannchur, a thug síntiúis, a ghlac páirt sa cheant, a d’fhreastail ar an gceolchoirm agus na daoine a chabhraigh ar an oíche.  Buíochas speisialta dos na ceoltóirí, amhránaithe, na rinceoirí agus an scéalaí.  Go gcuití Dia go fial libh!

Fuinneog Naomh Proinsias Assisi

Cuireadh isteach an fhuinneog daite nua seo, do Naomh Proinsias Assisi, i Séipéal Naomh Uinseann le déanaí.  Is i gcuimhne ar Mhuintir Fhathaigh agus ar Mhuintir Firtéar an fhuinneog.  Tá sé ana oirúnach mar beidh Naomh Proinsias caillte 800 bliain i 2026.  Buíochas le Glynn Palmer a dhein an dearadh agus an obair a bhain leis an dtogra seo.  ‘Mo Thiarna agus m’Uile.’

Feachtas Bailithe Airgid                                   

Tá feachtas bailithe airgid ar bun le tamall anuas chun cabhrú le cothabháil leanúnach na dtrí séipéal sa pharóiste.  Nuair a thugann duine síntiús clarófar intinní i Leabhar Cuimhneacháin an Pharóiste.  Beidh aifrinntí speisialta i rith na bliana dos na h-intinní sin.  Gach eolas oifig@yahoo.ie

Buíochas ó chroí do gach uile duine a thug síntiúis don bhFeachtas Bailithe Airgid go dtí seo.  Go gcuití Dia go fial libh!